TEITOK

  1. Digital Corpus Library
  2. TEITOK
  3. North Markian Corpus

Text view

Wilhelm Bornemann's Plattdeutsche Gedichte

AuthorJohann Wilhelm Jakob Bornemann
Date1868
Domainpoetry
PublisherVerlag der Königlichen Geheimen Ober-Hofdruckerei (R. v. Decker)
Publication placeBerlin
Javascript seems to be turned off, or there was a communication error. Turn on Javascript for more display options.
Pörwoort. Plattspräken — geit von Stunn to Stunn By Stadt- un Buerslüd' to Grunn; Enn aller Enn werd noch mit in Myn Book en Stück von Denksteen sin! Ursproaken hem in sick to good, Se sterben ut — un sin nich dood! Et is, as wenn ick drin wat föhl Von schafft" xpos="NOUN">Bröderschaftmit Lief un Seel! Wenn män plattdütsche Herzigkeit Togliek nich mit hen fleuten geit! Schlikt ännre Sproakwies sick in't Land, Is ännre Sitt’ ok bald by Hand. Noch is et doamit nich so wiet Noch sin wy nich in sönne Tied, Noch by Milljonen is to finn Plattdütschet Woort mit Sitt un Sinn. X — dran holl' ick fest, Urollet Dütsch dät Platte west, Is wiet un breet Wynländer - fung'n hochredig an Beerländer — kehrten sick nich dran. Hoch — lett furthen vereddeln sick, Platt — hät doato nich dät Geschick; Hoch — weet mit Höchstet umtogoahn, Platt bleeft by Huusmannskost bestoahn. Platt — hölt et mit trüherz'gen Schnack Mankin verbrämt mit Schoabernack, Un freut sick dran, wenn Jung'n un Oll'n Vör Lachen sick de Ribben holl'n. Un't Lachen is't, wat in de Welt De Minschen glatt un stief erhölt; Dät Lachen is, dät Lachen blift Dät beste Krankheits=Gegengift. Bet Oabends späd von Morgens fröh Ploagt sick en Minsch mit Sorg' un Möh, Un dät noagt an den Lebenssaft, Steit mit den Dood in schafft" xpos="NOUN">Bröderschaft.

Download XML • Download text